क्षमता बढाउँदै आन्तरिक विमान कम्पनी

काठमाडौं, १३ पुस
सरकारले घोषणा गरेको पर्यटन वर्ष नजिकिँदै जाँदा मुलुकका निजी विमान सेवा कम्पनी क्षमता विस्तारमा लागेका छन् । पर्यटक संख्या तथा पर्यटकीय गतिविधि बढेका कारण आन्तरिक वायुसेवा कम्पनीले क्षमता बढाएका हुन् ।
निजी क्षेत्रका आधा दर्जन फिक्स्डविङ तथा हेलिकोप्टर कम्पनी नयाँ विमान थप्ने तयारीमा लागेका छन् । पर्यटन वर्ष सुरुसँगै विदेशीका साथै आन्तरिक पर्यटक चहलपहल बढ्ने निष्कर्ष विमान सेवा कम्पनीको छ ।
सरकारी कार्यक्रमको रूपमा मनाउन लागिएको अभियानले आन्तरिक पर्यटन समेट्न लागेकाले आन्तरिक हवाई सेवाप्रदायक उत्साही छन् । सरकारले ३३ प्रतिशत आन्तरिक, ३३ प्रतिशत क्षेत्रीय र ३३ प्रतिशत वैदेशिक पर्यटनमा जोड दिने नीति लिएको छ ।

प्रधानमन्त्री बन्न देउवाले एमालेसँग मागे समर्थन

नयाँ पत्रिका
काठमाडौं, १२ पुस
कांग्रेस नेता शेरबहादुर देउवाले आफ्नो नेतृत्वमा नयाँ सरकार गठनका लागि गृहकार्य सुरु गरेका छन् । सोमबार साँझ एमाले महासचिव ईश्वर पोखरेलको धुम्बाराहीस्थित निवास पुगेका देउवाले आफ्नो नेतृत्वमा सरकार गठनका लागि एमालेसँग सहयोग मागेका हुन् ।
प्रधानमन्त्रीको जारी चुनावी प्रक्रियाबाट प्रधानमन्त्रीका एकमात्र उम्मेदवार रामचन्द्र पौडेललाई समर्थन मागिरहेको कांग्रेसका वरिष्ठ नेता देउवाले आफ्नो नेतृत्वमा सरकार गठनका लागि सकारात्मक हुन एमालेसँग आग्रह गरेको स्रोतले बताएको छ । एमालेले भने प्रधानमन्त्री चुनावको नयाँ प्रक्रिया सुरु गर्न पौडेलको उम्मेदवारी फिर्ता लिन आग्रह गर्दै फिर्ता नलिए पौडेलको विपक्षमा मतदान गर्ने निर्णय गरेको छ ।

हङकङमा नेपाली सप्ताह सुरु

हङकङ, पुस १० - नेपाली भाषा संस्कृतिको पहिचान तथा सम्र्बद्धन गर्न बर्षेनी आयोजना हुँदै आएको नेपाली सप्ताह शनिबारबाट सुरु भएको छ ।
सप्ताहको पहिलो दिन स्मृति दिवस मार्फत नेपाली समाज निर्माणमा योगदान पुर्‍याउने नेपालीहरुलाई स्मरण गरिए । कार्यक्रम पीएच केन्द्रीय प्राथमिक विद्यालयमा आयोजना भएको थियो । सप्ताहकै मुख्य आकर्षण मानिएको शोभायात्रा आइतबार दिउसो हुनेछ ।

तमुधी युकेको अध्यक्षमा मुच्छेत्र गुरुङ निर्वाचित

गुरुङ्ग समुदायको बलियो संस्था तमुधी युकेको अध्यक्ष पदमा मुच्छेत्र गुरुङ्ग अत्याधिक बहुमतले विजयी भएका छन् । तमुधीको १० बर्षे इतिहासमा भएको यो पहिलो ऐतिहासीक निर्वाचन हो ।अध्यक्ष पदका अर्का प्रत्यासी सुवासिसं गुरुङ्गलाई भारी मतान्तरले पछि पार्दै मुच्छेत्र छैटौं कार्यसमितिको अध्यक्ष पदमा विजयी भएका हुन् । कुल खसेको ४४३ मत मध्ये अध्यक्ष पदका विजयी मुच्छेत्र गुरुङ्गले ४०० मत पाएका थिए भने उनका प्रतिद्धन्दी सुवासिसं गुरुङ्गले जम्मा ४० मत पाए । निर्वाचनमा ३ मत बदर भएको थियो ।

पुर्व युवराज पारस भरतपुरस्थित प्रहरी तालिम केन्द्रमा

          चितवन, पुर्व युवराज पारस शाहलाई पक्राउ पूर्जी दिएर चितवन ल्याइएको छ । गण्डकी अञ्चल प्रहरी प्रमुख एसएसपी केशव अधिकारीको नेतृत्वमा खटिएको टोलीले उनलाई पक्राउ पूर्जी दिएर पारस आफैले मगाएको फिष्टेल एयरको हेलिकप्टरबाट दिउसो साढे चार बजे चितवन ल्याइएको हो ।
पोखराबाट उनी चढेको हेलिकप्टर सिधै भरतपुरस्थित प्रहरी तालिम केन्द्रमा अवतरण गरिएको थियो । विमानस्थमा उनका समर्थक र संचारकर्मीहरुको भीड लागेको थियो । कडा सुरक्षा घेरामा उनी चढेको हेलिकप्टर अवतरण गरिएको छ । उनलाई भरतपुरस्थित प्रहरी तालिम केन्द्रमा राखिएको छ ।
अहिले तालिम केन्द्रमा संचारकर्मीलाई प्रवेश रोक लगाइएको छ । उनका वलिक उनी आउनुभन्दा पहिले अर्को छुट्टै हेलिकप्टर चढेर मंगलबार नै भरतपुर विमानस्थल आएका थिए ।

११ पुसदेखि सर्वसाधारणलाई एमआरपी

परराष्ट्र मन्त्रालयले मेसिन रिडेबल पासपोर्ट (एमआरपी) ११ पुसदेखि सर्वसाधारणलाई जारी गर्ने भएको छ　। सुरुमा केन्द्रीय राहदानी कार्यालयबाट मात्रै एमआरपी जारी हुने भएको छ　। परराष्ट्र मन्त्रालयले ४ पुसदेखि एमआरपीका लागि सर्वसाधारणसँग आवेदन फारम लिन सुरु गर्ने जनाएको छ　।
फारम लिन सुरु भएको सात दिनपछि एमआरपी जारी गर्ने तयारी रहेको केन्द्रीय राहदानी कार्यालयका प्रमुख तथा परराष्ट्र सहसचिव भरतराज पौडेलले जानकारी दिए　। 'मेसिन रिडेबल पासपोर्टका लागि चाहिने फारम, फारम भर्ने तरिका, फोटोको मापदण्ड तथा राहदानी दस्तुरबारे २९ मंसिरदेखि जानकारी गराइनेछ,' सहसचिव पौडेलले भने　। परराष्ट्रका सहायक प्रवक्ता हरिश्चन्द्र घिमिरेले सर्वसाधारणलाई दिनुअघि एमआरपी राष्ट्रपति, उपराष्ट्रपति, प्रधानमन्त्री र प्रधानन्यायाधीशलाई वितरण गरिने तयारी गरेको जानकारी दिए　।

ईश्वर चाम्लिङले जिते बृटिश सेनाको उत्कृष्ट फोटो ग्राफर उपाधि

प्रत्येक बर्ष संचालन हुने “ब्रिटिस आर्मी फोटो ग्राफि कम्पिटिसन २०१०” को उपाधि ईश्वर चाम्लिङले प्राप्त गरेका छन् ।
प्रतियोगितामा समावेस भएका चाम्लिङको फोटोहरुले स्पोटिङ्ग इमेजमा प्रथम, नन् अप्रेसनल इमेजमा दोस्रो स्थान प्राप्त गरेको थियो । चाम्लिङलाई गत डिसेम्बर १ का दिन इपेरियल वार मेमोरियल म्युजियम, लण्डनमा सेनाका जेनेरल पिटर वालले प्रमाणपत्र र पुरस्कार प्रदान गरेको थियो ।
चाम्लिङ वेलायती सेनामा विगत १६ बर्ष देखि सेवारत छन् भने उनी लगायतले पल्टनघर ब्रुनाईमा ग्लोवल आई फोटो क्लब पनि स्थापना गरि फोटोग्राफि कार्यलाई निरन्तरता तथा थप प्रभावकारी बनाउदै आएका छन् । उनले कस्फोर्ड फोटोग्राफि स्कुलबाट युनिट फोटो ग्राफर कोर्ष सन् २००७ मा लिएका थिए । हाल उनी दोस्रो रोयल गोर्खा राइफल्स ब्रुनाईमा आबद्ध रहेका छन् । चाम्लिङलाई हार्दिक बधाई । नेपालीसमाचार

हार्दिक समबेदना

पशुपतिनाथ मन्दिरको पूर्वी भाग भासिँदै

पशुपतिनाथ मन्दिर पूर्वी गेटतर्फको भाग भासिन थालेको छ। सात वर्ष पहिले सामान्य चिरिएजस्तो देखिन थालेका संरचनाहरु बढ्दै गएपछि अब खुट्किलाहरु बिस्तारै बागमतितर्फ सोहोरिन सुरु भएका छन्। यतिबेला पूर्वी गेटबाट मन्दिर प्रवेशका लागि रोक समेत लगाइएको छ।
'डेढ दुई वर्षदेखि भासिने क्रम बढ्न थालेपछि माथिल्लो तल्लामा विरामी राख्नै छाडेको थिएँ,' सिढी छेवैमा उपचार सेवा सञ्चालन गर्दै आएका घाटका चिकित्सक सुवर्ण वैद्य भन्छन्, 'पछिल्लो समयमा हस्पिटल पस्ने खुड्किलो दबिएको छ भने मुक्तिमण्डल मन्दिरको पर्खालमा पनि धाँजा फाटेको छ।' कुनै बेला पनि यहाँ दुर्घटना हुनसक्ने उनी बताउँछन्। वैद्यका अनुसार पशुपतिका पुजारीमाथि माओवादी आक्रमण भएकै बेलादेखि बन्द गरिएको ढोका अझै खोलिएको छैन।

सीएनएन हिरो कोइरालाको भव्य स्वागत

यस बर्षको सिएनएन हिरो भएकी माईती नेपालकी अध्यक्ष अनुराधा कोईरालालाई विहीबार भव्य स्वागत गरिदैछ । अमेरिकाबाट विहीबार स्वदेश र्फकनसाथ उनको भव्य स्वागत गरिनेछ । सिएनएन हिरोको उपाधी ग्रहण गर्न अमेरिका गएकी कोइराला विहीबार स्वदेश र्फकन लागेकी हुन ।
माइती नेपाल लगायतका बिभिन्न संघ संगठनको संयुक्त पहलमा कोइरालालाई विशेष स्वागत गरि त्रिभूवन अन्तर्राष्ट्रिय विमानस्थलबाट माइती नेपालको कार्यालयसम्म पुर्‍याइने छ । प्रसिद्ध अन्तर्राष्ट्रिय समाचार संस्था सिएनएनले चेलीबेटी बेचविखनविरुद्ध सकृय योगदान पुर्‍याएवापत कोइरालालई सिएनएन हिरो २०१० ले सम्मान गरेको हो । सन १९९३ बाट निरन्तर बालबालिका र महिला बेचविखनविरुद्ध माईती नेपाल नामको सस्था खोलेर उनले काम गर्दै आएकी छिन । कोइरालाले १२ हजारभन्दा बढी महिलाहरुको उद्धार गरिसकेकी छिन ।

बिदेसिएका युवतीहरु सम्पर्कविहीन

      आफूलाई प्रख्यात मेनपावर कम्पनीको एजेन्ट बताउने कालुमान राईले इलाम बरबोटे-२ की २४ वvषीया सानीमाया राईलाई कुवेत लैजान्छु भन्दै घरबाट लिएर गए । सानीमाया घरबाट गएको ११ वर्षसम्म उनको कुनै खोजखबर भएन । तर, एकाएक परराष्ट्र मन्त्रालयले पत्र पठाएर सानीमायाको आत्महत्याबाट दुई वर्षअघि कुवेतमै मृत्यु भएको जानकारी दिएपछि उनको परिवार शोकाकुल भएको छ ।
'एक्कासि मृत्यु भइसकेको खबर आउँदा हामी चिन्तित भएका छौँ,' सानीमायाका दाजु भक्त राईले भने, 'तर, मन्त्रालयले न उनको शव देखाएको छ, न त शव नेपालमा आएको जानकारी नै दिएको छ ।' भक्तको परिवारमा बहिनीको मृत्यु भएको खबर पत्याउने कि नपत्याउने भन्ने अन्योल छ ।

शोक तथा श्रद्धाञ्जली सभा

काठमाडौं/ ७ मंसिरमा दिवंगत भएका कलाकार, द्वन्द्व तथा कला-निर्देशक गोपाल भुटानीको १३औँ पुन्यतिथिका अवसरमा चलचित्र द्वन्द्व कलाकार संघले आइतबार राजाधानीमा शोक तथा श्रद्धाञ्जली सभा आयोजना गर्‍यो ।
आन्द्राको क्यान्सरका कारण दिवंगत भएका ७८ वर्षीय कलाकार भुटानीप्रति श्रद्धाञ्जली अर्पण गर्न उपस्थित फिल्मकर्मीले उनले नेपाली फिल्म क्षेत्रमा दिएको योगदानको चर्चा गरेका थिए ।

मरेको बाख्रा खाँदा ५ को मृत्यु

मुगु, मंसिर २० -
मरेको बाख्रा खाँदा झाडापखालाबाट मुगुको पुलुमा पाँच जनाको मृत्यु भएको छ । तीन जना बिरामी छन् ।
मृत्यु हुनेमा पुलु-४ का २७ वषर्ीय रिक्साट लामा, २६ वषर्ीय छेवाङ लुटुक लामा, २८ वषर्ीय लाइक्याप छिरिङ लामा, पुलु-५ सेरोग गाउँका ३१ वषर्ीय तेन्जिङ सोनाम लामा र पुलु-६ का ३३ वषर्ीय छिरिङ पाल्गर लामा छन् ।

फेरि खाडीमा महिला घरेलु कामदार खुला

काठमाडौ, मंसिर २० -
सरकारले खाडीका चार देशमा घरेलु महिला कामदार -हाउसमेड) पठाउन खुला गरेको छ । महिला कामदारको अवैध ओसारपसार नियन्त्रण गरी वैदेशिक रोजगार व्यवस्थित, मर्यादित र सुरक्षित बनाउन भन्दै मन्त्रिपरिषद्को बैठकले दूतावासलाई पूर्ण जिम्मेवारी दिई घरेलु कामदार जान दिने निर्णय गरेको हो । नेपाली दूतावास रहेका खाडीका साउदी अरब, कतार, कुवेत र संयुक्त अरब इमिरेट्समा अब महिला घरेलु कामदार जान पाउने छन् ।