गाउँको विद्यालयमा ताररहित इन्टरनेट सेवा जडान

तमु समाज युकेद्वारा गाउँको विद्यालयमा ताररहित इन्टरनेट सेवा जडान - पोखरा, २७ माघ/ कोल्मा बहाकोट तमु समाज युकेको आर्थिक सहयोगमा स्याङजाको कोल्मा बहाकोटको कोल्मा उच्चमावि माविमा वायरलेस-तार रहित) इन्टरनेट सेवा शुरु गरिएको छ । गाँउकै विद्यालयमा वायरलेस इन्टरनेट सेवा शुरुभएपछि शिक्षक, विद्यार्थीदेखि अभिभावक समेत मख्ख परेका... छन् । तमु समाज युकेका पदाधिकारीको झण्डै दुइ लाख ५० हजार रुपियाँको आर्थिक सहयोगमा विद्यालयमा तार रहित इन्टरनेट सेवा शुरु गरिएको हो ।

हङकङमा नेपाली पत्रकार संघको प्रथम अधिवेशन

१३ फेब्रुवरी २०११ हङकङ । यहां स्थित बिभिन्न मिडियामा सक्रिय भएका नेपालीमूलका व्यक्तिहरू मिली नेपाल पत्रकार संघ हङकङले आफ्नो प्रथम अधिवेशन सम्पन्न गरेको छ ।

हङकङ स्थित फियोनाको कार्यकक्षमा सम्पन्न गरिने भनेर प्रचार गरिएको सो कार्यक्रम कार्यकक्ष उपयोग समय तालिका अन्य अरू संघ र स्वयमं फियोनाकै बैठक एकसाथ हुनाले गर्दा मगर संघ हङकङको कार्यकक्षमा सारिएको थियो ।

सरकारको समर्थन फिर्ता हुँदैनः डा. भट्टराई

कास्की/ माओवादी उपाध्यक्ष डा. बाबुराम भट्टराईले सरकारलाई दिएको समर्थन कुनै पनि हालतमा फिर्ता नहुने बताएका छन् ।
माओवादी सरकारबाहिरै बसेर शान्ति र संविधानका लागि सघाएर अघि बढ्ने तर समर्थन फिर्ता लिएर देशलाई अस्थिरतातर्फ धकेल्न तयार नहुनेमा विश्वस्त हुन उनले सबैसित आग्रहसमेत गरे ।

समयमै संविधान बनाउन राष्ट्रपतिको आग्रह

काठमाडौं/ राष्ट्रपति डा. रामवरण यादवले जनचाहनाअनुरूप समयसीमाभित्रै शान्तिप्रक्रियालाई टुंगोमा पुर्‍याई संविधान निर्माण गर्न राजनीतिक दलहरूलाई आग्रह गरेका छन् ।

राष्ट्रिय समाचार समितिको ५०औँ वाषिर्कोत्सवमा शनिबार आयोजित कार्यक्रममा राष्ट्रपति डा. यादवले मुलुकको शान्तिप्रक्रिया र संविधान निर्माणलाई टुंगोमा पुर्‍याउने राष्ट्रिय दायित्वमा सञ्चारमाध्यमको महत्त्वपूर्ण भूमिका रहने बताए । उनले सूचनाको प्राप्ति आमनागरिकको अधिकार भएको उल्लेख गर्दै राज्यले स्वीकार गरेको जिम्मेवारीलाई पूरा गर्न सञ्चारमाध्यमलाई आग्रह गरे
राष्ट्रपति डा. यादवले लोकतान्त्रिक शासन व्यवस्थाका निम्ति नेपालीले पटकपटक गरेको संघर्ष र उपलब्धिलाई संस्थागत गर्न राजनीतिक दलहरूबीच आपसी विश्वास, सहमति र सहकार्य अपरिहार्य भएको बताए । उनले लोकतान्त्रिक संस्कार सुदृढ गर्दै सहकार्य र सहमतिकोे संस्कृति निर्माण गर्न सबैसित आग्रह गरे ।

भ्यालेन्टाइन डे किन मनाइँन्छ

विश्वभर २ हजार वर्ष पुराना रोमका राजा क्ल्योडियस र विद्रोही भ्यालेन्टाइनको कथा नसुन्ने कमै छन् । उनले आÏना जनतालाई विवाह गर्न प्रतिबन्ध लगाएका थिए । उनको धारणा के थियो भने श्रीमती र छोराछोरीहरुको मायाले विवाहित पुरुषहरु युद्ध गर्न डराउँछन् ।

तर, मानिसहरु प्रेमको अभावमा ओइलाउन थालेको भ्यालेन्टाइन नामक पादरीले सहन सकेनन् र ८ जोडी महिला र पुरुषको विहे गराइदिए । यो विद्रोहका कारण राजाले उनलाई फाँसीको सजाय दिए- १४ फेब्रुअरीमा । फाँसी दिइएको स्थान थियो- इटलीको भ्यालेन्टा ।
 त्यसै दिनको सम्झनामा भ्यालेन्टा पूर्णरुपमा सिँगारिन्छ र त्यहाँ विश्वका प्रेमी-प्रेमिका, श्रीमान्-श्रीमतीहरु आÏनो प्रेमले अझै दीर्घायु र गाढापन पाओस् भन्ने कामनासहित भेला हुन्छन् । नेपाली समाजका लागि पनि भ्यालेन्टाइन उत्सव बनेको छ । केही वर्षदेखि नेपालमा पनि प्रत्येक वर्ष भब्यताका साथ यो दिनलाई मनाउने गरिन्छ ।

नक्कली लुम्बिनी बनाउने भारतीय प्रयासमा तुषारापात

बुद्ध भारतमा जन्मिएको देखाउन उत्तर प्रदेशको अलिगढवामा नक्कली लुम्बिनी बनाइरहेको भारतको प्रयास ‘वालुवामा पानी’ सावित हुने भएको छ ।

हालै एक बेलायती बिश्वबिद्यालयले गरेको अनुसन्धानमा कपिलवस्तुको तिलौराकोटमा बुद्धकालीन सहर नै रहेको पत्ता लागेपछि बुद्धलाई आफ्नै पेवा बनाउने भारतीय प्रयास ब्रेक लागेको हो । हजारौँ वर्ष पुराना पुरातात्विक महत्वका संरचना पत्ता लगाउन सक्ने अत्याधुनिक प्रबिधि प्रयोग गरी जहाजबाट गरिएको एक्स-रेले तिलौराकोटमुनि सहर नै रहेको पत्ता लागेको हो । बेलायती विश्वविद्यालय डरहामका विशेषज्ञले हवाईजहाजबाट गरेको अनुसन्धानले तिलौराकोटको भूगर्भमा दरबार, ४ लेनको सडक, दुईतिर घर, सहर र उद्यानसमेत आधा किमि लम्बाइको व्यवस्थित बस्ती रहेको पुष्टि गरेको छ ।