डान्सबारभन्दा धेरै सभ्य छ दोहोरी साझ

स्थापित दोहोरी रेस्टुरेन्टमा त्यस्तो विकृति मौलाएको मैले देखेको छ्रैन

निशा सुनारलोकगायिका

दोहोरी रेस्टुरेन्टले धेरैलाई रोजगारी दिएको छ । यसले स्थापित कलाकार जन्माएको छ । म पनि दोहारी रेस्टुरेन्टबाटै आएकी हुँ । दोहोरी रेस्टुरेन्ट कदापि डान्सबार बन्ने छैन । मान्छे अझै पनि दोहोरी रुचाउँछन् । दोहोरी धेरै सभ्य छ डान्सबारभन्दा ।

दिनमा कतिवटा गीत गाइन्छ ?

म आफ्नै एल्बममा मात्रै गीत गाउँछु । मेरो गायनको बढी समय स्टेज प्रोग्राममा बित्छ । अहिले तराई टेलिभिजनमा बुधबार 'लोकठट्टा' कार्यक्रम चलाउँछु ।

खुमन अधिकारीको सुमधुर आवाजमा तिमीलाई नि मायां चाहिन्न र

अतृप्त चाहना

भक्त गुरुंग सारदानगर चितवन 

हाल   बोस्टन यु.एस

जीवन र समयको अन्तरसम्बन्ध छ| हरेक पलमा जीवनका अनुभवहरु संकलित हुंदा रहेछन| मानव भई यस धर्तीमा जन्म लिई सके पछि बिभिन्न किसिमका समस्याहरु आई रहदा रहेछन|समस्या समाधान गर्ने क्रममा विविध खालका घटना जीवनमा अनुभवका रुपमा आउदा रहेछन|कतिपय घटना क्षणिक स्मरण योग्य त कतिपय घटना जीवनका अंतिम पलसम्म ढक-ढकाईरहने हुंदा रहेछन| घटनाहरुको खाद बाट आज एउटा अनौठो घटना कोर्दैछु,मनलाई शान्ति प्रदान गर्दैछु|

म काठमांडूमा पढ्दै थिए! आर्थिक अवस्था एकदम कमजोर भएको हुनाले अध्ययनलाइ निरन्तरता दिन जागीरको सहारा लिनु पर्यो|जागीर खाए पछि पढाईलाइ त्यति समय दिन नसक्नु स्वाभाविक नै थियो| जागिरको शिलशिलामा टाढा टाढा जानु पर्थ्यो | मैले एउटा प्राइवेट सेक्टरमा काम गर्दथे, ट्रेकिंग गाइडको रुपमा!धन,यानेकी भौतिक सुख सुबिधामा मलाई त्यति लालच थिएन | एउटा स्वाभाविक जीवन मलाई मन पर्दथ्यो! सायद त्यो मेरो सम्भावानाको परीधिबाट टाढा नै भएको ले होला…….|

जीवनसाथीको खोजीमा छु दीपाश्री निरौला

विवाहपछि व्यक्तिगत स्वतन्त्रता गुम्छ भनेर त होइन, मेरो आफ्नो करिअर छ, त्यसलाई कुन रूपमा अघि लैजाने भन्ने त मेरो हातमा छ नि !

दीपाश्री निरौला कलाकार

कलाकारहरू आफ्नो उमेर ढाँट्छन्　। नढाँटी भन्नोस्, तपाईं कति वर्ष पुग्नुभो ?

अरूले उमेर ढाँट्छन होला, तर म नढाँटी भन्छु- म ३५ वर्षकी भएँ　।

बिहे किन नगर्नुभा'को ? लगनै नजुरेर हो कि सही केटा नपाएर ? वा अरू नै कारणले ?

त्यस्तो कुनै कारण छैन　। एक्लै बस्दाको जति स्वतन्त्रता बिहे गरेपछि कहाँ पाउनु ? एक्लो जीवन नै 'बिन्दास' लाग्छ मलाई　।

एक्लो जीवनको मज्जा के ?

कसैको टर्चर (यातना) सहनु परेन　। हरेक कुराको निर्णय आफँैले गर्न पाइयो　। आफ्नो खुट्टामा उभिनेका लागि यस्तै जीवन ठीक　।

नमज्जा लाग्ने नि ?

साथीहरू परिवारसँगै रमेको देख्दा र उनीहरूले बच्चा खेलाउँदा कता-कता नरमाइलो लाग्छ　।

साथीहरू बच्चाबच्ची लिएर हिँड्दा रहर लाग्दैन ?

किन नलाग्नु, लाग्छ नि ? साथीहरूले बच्चाका लागि सपिङ गर्दा मैले बिहे गर्न ढिला गरें कि भन्ने हुन्छ　।

जुम्ल्याहा दाजुबहिनी कलेज टप

जुम्ल्याहा दाजुबहिनी कलेज टप ग्लोबल कलेज अफ म्यानेजमेन्टमा कक्षा ११ अध्ययनरत जुम्ल्याहा दाजुबहिनीले परीक्षामा उत्तिकै अंक पाएका छन्। पुस २८ मा प्रकाशित कक्षा ११ को नतिजामा दाजु अरूण र बहिनी एन्जिला घिमिरे दुवैले व्यवस्थापन संकायको ५ सय पूर्णांकमा ४ सय १७ पाएका छन्। ८३.४ प्रतिशत ल्याएर दुवैले कलेजटप गरेका छन्। उनीहरूले गणित (९२) र अर्थशास्त्र (८१) मा पनि बराबर नम्बर ल्याएका छन्।

देशका विभिन्न ठाउँमा हिमपात

राजधानी वरपरका डाँडाहरुमा हिउँ परेको छ । आइतबार राजधानीमा बढेको चिसोसँगै वरपरका डाँडाहरुमा हिउँ पर्न सुरु भएको हो । राजधानीको नागार्जुन, चन्द्रागिरी, नरकोटलगायतका ठाउँमा फुसफुसे हिउँ परेको छ । मौसम पूर्वानुमान महाशाखाले बेलुकासम्ममा अझै बाक्लो हिउँ पर्ने सम्भावना रहेको जनाएको छ ।
यसैगरी, राजधानीको तल्लो क्षेत्र थली, मूलपानी, चाँगुनारायणलगायतका क्षेत्रमा पातलो हिउँ फुसफुसाएको थियो । देशका विभिन्न ठाउँमा हिमपातका कारण जनजीवन कष्टकर भएको छ । डोटी र डडेल्धुरामा भएको हिमपात कारण भिमदत्त राजमार्ग अवरुद्ध बनेको छ ।

'राष्ट्रसंघको उपस्थिति रहोस्'

काठमाडौं/ माओवादी उपाध्यक्ष डा. बाबुराम भट्टराईले संयुक्त राष्ट्रसंघीय मिसन अनमिनको म्याद थप नभए पनि नेपालमा राष्ट्रसंघीय उपस्थिति कायम राख्न प्रस्ताव गरेका छन् ।

अनमिन प्रमुख करिन ल्यानग्रेन र संयुक्त राष्ट्रसंघका एसिया तथा प्रशान्त क्षेत्र हेर्ने निर्देशक स्यामुअल ताम्राटसँग बुधबार बिहान भएको छलफलमा डा. भट्टराईले राष्ट्रसंघीय उपस्थिति हुनुपर्ने प्रस्ताव गरेका हुन् ।

भट्टराईनिवास ललितपुरमा भएको छलफलमा ताम्राट र ल्यानग्रेनले 'अनमिनको म्याद सकएपछि नेपालको शान्तिप्रक्रिया र संविधान लेखन प्रक्रिया कसरी अघि बढ्छ ?' भन्ने जिज्ञासा राखेका थिए । प्रत्युत्तरमा डा. भट्टराईले नेपालको शान्तिप्रक्रियामा अनमिनको भूमिका सकारात्मक रहेकाले निष्कर्षमा नपुगुन्जेल अनमिन बस्नुपर्ने धारणा राखेका थिए । 'यदि अनमिन नरहेको अवस्थामा यहाँ युएनको उपस्थिति रहनुपर्छ, शान्तिप्रक्रियाका लागि,' डा. भट्टराईको भनाइ उद्धृत गर्दै उनका सहयोगी विश्वदीप पाण्डेले भने । डा. भट्टराईको प्रस्तावबारे तत्कालै केही भन्न नसकिने जवाफ ताम्राटले दिएका छन् ।

पचासौँ डाँकासँग लडेको त्यो दिन

Naya Patrika 

म पर्वतको बाच्छा गाविसमा जन्मेको हुँ । अहिले ३७ वर्षको भएँ । परिवारसहित पोखराको बैदाममा बस्दै आएको १५ वर्ष भयो । घरमा अहिले बाआमा, श्रीमती, एक छोरो र एक छोरी छन् । बुबा क्याप्टेन गोपाल श्रेष्ठ भारतीय सेनामै हुनुहुन्थ्यो, त्यसैले म बाल्यकालमा कहिले भारत र कहिले नेपालमा पढेँ । १३/१४ वर्षको हुँदा बाबासँगै भारत गएँ र सिलोङमै १० कक्षामा पढ्दै गर्दा सन् १९९४ मा त्यहीँबाट भारतीय सेनाको ७/८ जिआर पल्टनमा भर्ती भएँ । २२ वर्ष नोकरी गरेर पेन्सन आउनुपर्ने भए पनि त्यतिन्जेल पर्खन मन भएन । त्यसैले पि्रमेच्योर पेन्सन (अपरिपक्व निवृत्तिभरण) मा आउने निर्णय गरेँ र १७ वर्ष काम गरेको पल्टनबाट राजीनामा दिएँ ।

अभिनेता भुवन केसी एमालेमा प्रवेश

काठमाडौं, १९ पुस
अभिनेता भुवन केसी एमालेमा प्रवेश गरेका छन् । एमालेको सिद्धान्त, विचार र नेताबाट पहिलेदेखि नै प्रभावित भएको भन्दै उनी पार्टी प्रवेश गरेका हुन् ।
सोमबार एमालेको भ्रातृसंगठन जनसांस्कृतिक महासंघको स्थापना दिवसका उपलक्ष्यमा राष्ट्रिय सभागृहमा आयोजित कार्यक्रममा अभिनेता केसीलाई प्रधानमन्त्री माधवकुमार नेपालले फूलमाला र रातो टीका लगाएर एमालेमा स्वागत गरे । प्रधानमन्त्री नेपालले भुवनजस्तो कलाकार आफ्नो पार्टीमा प्रवेश गरेकोमा खुसी लागेको बताए । केसीले पनि आफू पहिलेदेखि नै एमालेप्रति आकषिर्त भएको र सक्रियरूपमा राजनीतिमा लाग्न औपचारिकरूपमा पार्टीमा प्रवेश गरेकोे बताए । 'म पहिलादेखि नै एमालेको सिद्धान्त, विचार तथा नेताबाट प्रभाबित थिएँ, त्यसमाथि प्रधानमन्त्रीज्यूसँग मेरो निकट सम्बन्ध छ, जसकारण म पहिला नै एमालेमा प्रवेश गर्न चाहन्थेँ, तर बल्ल मौका मिल्यो,' उनले भने, 'अब सक्रिय राजनीति गर्न चाहन्छु, त्यसैले पार्टीमा औपचारिकरूपले प्रवेश गरेँ ।' उनले फिल्ममा जस्तै एमालेको राजनीतिमा पनि हिट हुने दाबी गरेका छन् । उनीसँग नयाँ पत्रिकाले सोमबार साँझ संक्षिप्त कुराकानी गरेको थियो ः

सत्र वर्षपछि जिरी शिक्षालयमा विद्यार्थी संख्या उच्च

दोलखा, २३ पुस : दोलखाको जिरीमा २७ वर्षअघि स्थापित जिरी प्राविधिक शिक्षालय -जेटिएस) मा यस वर्ष विद्यार्थी संख्या अत्यधिक बढेको छ　। १७ वर्षपछि पहिलोपटक यस वर्ष जेटिएसमा आवेदन फारम भर्ने विद्यार्थीको संख्या उच्च देखिएको शिक्षालयका सहायक प्रमुख गोपाल जिरेलले बताए　। शिक्षालयले २८औँ समूहका लागि मंगलबार लिएको प्रवेश परीक्षामा ५ सय ४७ परीक्षार्थी सहभागी थिए　।

यस वर्षकोे परीक्षामा कञ्चनपुर, कैलाली, दाङ, सोलुखुम्बुलगाय निकै टाढादेखि परीक्षार्थी सहभागी भएका थिए　। १ सय २० वटा कोटामा झन्डै पाँच दोब्बर आवेदन परेपछि परीक्षा सञ्चालनका लागि कक्षाकोठासमेत अभाव भएको थियो ।