मुक्तक- शुभ- कामना

बिज्ञान शर्मा, स्वीन्डन

यसपाली पनि दशैं

बिदेशी भूमिमा

खल्लो हुनुको पिडा !

देश अनिश्चयको बन्दि बनाइ

नेताहरु कुर्ची दौडमा रमाउँदा

देश रुनुको पिडा !!

पिडा पिडाको बिचमा भएनी

हँसाउन मुहार आएछ दशैं

दशैंले दशाजती बढ़ारोस

होस् लोकको कल्याण |

कसैको नहोस दुःखसंग सामना

समस्त जनमा,

दशैंको मंगलमय शुभ-कामना ||

स्वार्थी माया

माया पाउन जाल फ्याक्नु पर्ने,

जुन मैले कहिल्यै उन्न जानेन |

शब्द जाल पनि अचुक शस्त्र,

जुन मैले कहिल्यै बुन्न जानेन ||

झुट र फरेव मायाको मन्त्र,

जुन प्रयोग गर्न मनले मानेन |

पबित्र दीलको निश्वार्थ चाहना,

स्वार्थी मायाले स्वीकार्न मानेन ||

साथी

पुटिन जस्तो मेरो साथी,

बलवान तिमी उसलाई भन्नु पर्छ |

बर्नार्ड शा जस्तो मेरो साथी,

अलौकिक तिमी भन्दा भित्रै रम्ने गर्छ |

सुकी जस्तो मेरो साथी,

महान शब्दले अनुहारमा कान्ती चढ्छ |

यथार्थ तिमी मेरो साथी मात्र भन्दा,

तिरस्कारी नजर म माथि गदछ |

भन्थे साथी त स्वार्थ रहित हुन्छ,

कुनै बिपत्तीमा उसको दील छुन्छ |

तर आज साथीको बदलिएछ परिभाषा,

साथी हुन आउँछ लिइ लोभ र आशा |

कस्तो म

तिमी ठेश लाग्यो भन्छौ, ठोकरै ठोकरले लडेको मान्छे म |

तिमी न्यानो माया भन्छौ, चीसो मायाले सडेको मान्छे म |

तिमी दुइका कुरा गर्छौ, चार बिश प्रेम पत्र लेखेको मान्छे म |

तिमी बिश बर्ष मै आतियौ, पचासमा नी मायाको सपना देखेको मान्छे म |

अर्थ बिनाका शब्द बटारि, वाह वाह को चाहना बोक्ने मान्छे म |

मपाईंत्वो को अहंकारले, तीन बित्ते कवी हुँ भन्दै खोक्ने मान्छे म |

साथीहरु आशा नभएनी, निराशा बोक्ने होइन भन्नु पर्ने मान्छे म |

आफुले सिन्को नभांचेनी, समाजमा केहि गरौं भन्नु पर्ने मान्छे म |